خطوات الحكومة المغربية في تدبير ازمة فيروس كورونا
ما تفعله الحكومة المغربية في تدبير أزمة فيروس كورونا هو عمل
جبار وجاد يهدف لتفادي الإصابات، ولحد الساعة لم تسجل أي
حالة عدوى منتقلة بين الأشخاص داخل المغرب، وإنما كلها حالات قادمة
من الخارج
إغلاق الحدود، وقف التظاهرات، توقيف المباريات الرياضية و توقيف الدراسة،
كلها أمور تُظهر مدى جدية الدولة بكامل مؤسساتها في التعامل و التعاطي مع هذا المستجد،
ينقص فقط القليل من التواصل، و استعمال وسائل الإعلام (العمومية و الخاصة، و بز منهم،
نحن في حالة أزمة و جائحة عالمية، حيث الهدف هو إنقاذ البشرية، ماشي الربح المادي)
استعمالها من أجل توعية المواطنين ... راه الأمية منتشرة، و الناس بزااااف عندهم ثقة
فكل ما يقال فالراديو و التلفازة كثر من داكشي اللي كا نقولو فالسبيطارات، راه كا يلوحو
الدوا و يتبعوا العشبة، فالله يرحم الوالدين استعملوا هادشي باش توعيو الناس ... راه
المستعجلات كا تلقى فيها أكثر من 80 شخص فيهم 10 مراض و الباقي مرافقين و دايرين يديهم
على نيفهم!!!
تال هاد الدرجة كاين استهتار!!!!
الواجب علينا الآن ك "شعب" هو المساهمة فإنجاح هاد الخطوات
الرسمية:
• الإنقطاع عن المدرسة، خاصنا نجلسو فالدار و نحبسو
السفر و الخروج و الدوران، راه هادشي اللي خلا ايطاليا توصل لأزيد من 2000 حالة جديدة
يوميا ... إيطاااااليا اللي متقدمة علينا تقهرات مع هاد الأعداد!!
• الوزينات و المعامل و المصانع و الشاحنات لنقل السلع
و المحلات التجارية ما غاديش توقف عندنا، ما تخافوش، نكملوا نفس نمط حياتنا، بنفس الأكل
و نفس المستلزمات..
ماشي
بحال هادشي لي كانشوفو ف تصاور
المؤسسات و الشركات خاصها تنقص من عدد الموظفين العاملين لأقصى حد ممكن
و تطلق الناس يخدمو من الدار و لا تعطيهم عطل و تتحرك بالحد الأدنى، باش ننقصو من الزحام
فالمواصلات!
• مشيت لشي بلاصة لقيتها عامرة، نبدل البلاصة ...
لقيت الصف، نخلي متر و نصف مع اللي قبل مني و اللي من بعدي ... القهاوي نحاولو نجلسو
برا ... نحبسوا التدخين فالأماكن العمومية، باش لا قدر الله و شدك كورونا تلقى باش
تعاون راسك و تتنفس حتى يفوتك!
• التعناق و البوسان و الأحضان بلاش الله يرحم الوالدين
... المحبة تابثة و الاحتياط واجب و نهار يمشي كورونا نديرو مهرجان الحب و اللي لقا
شي كائن حي يعنقو !!!!
فالأخير، كا نطلب من أي واحد
قدر ينشر هادشي ينشرو ... اذا قدر كل واحد فينا يقنع غير واحد آخر، و خلاه بدورو يقنع
واحد
آخر راه غادي ننقصو من احتمال العدوى بشكل كبير..